24 aña prizòn kaso Makaha
16 aña pa akusado principal Kursley Francees kene a lòs tiru mortal
KRALENDIJK --- 24 aña di prizòn fiskal Doedens a pidi pa e akusadonan den e kaso ‘Makaha’. ‘Den e kaso aki e hóben Aron Paula di 18 aña a pèrdè su vida. Doedens a pidi 16 aña pa Kursley Francees, 5 aña pa Mozart Sances i 3 aña pa Valdemar Olbina. Francees ta esun ku a lòs e tirunan ku a asesiná Aron Paula i a heridásu ruman Areyn.
Doedens a tuma sigur un dos ora i mei pa repasá e susesonan. El a mustra Kiko a pasa den e anochi di 3 pa 4 di novèmber. E anochi un outo manehá pa Sances ku 4 persona aden a kore bai ‘La Sonrisa Ballpark’. For di e sitio ei, Olbina den poseshon di un machete, sances i francees ku un di nan un revòlver, a baha for di outo i bai na kas di e víktimanan na Bario Mampariakutu na pia. Nan a tapa nan kara pa drenta e kas aki.
Doedens ta konvensí k uta Francees a lòs e tirunan ku revòver di kaliber 38. E ta drenta e kas huntu ku Sances, i Olbina ta keda pafó pa tira vista. Paden ta kuminsáun bringamentu, ku a sigui te pafó. E akusadonan a purba hui, pero Francees ta strompeká i kai. Siendo na suela e rumannan Paula ta skòp e i batié. For di e posishon aki na suela e ta lòs e tirunanan ku ta alkansá Aron mortalmente i ta heridá Areyn.
Según Doedens, e akusadonan a bai pa buska konfrontashon. Ya kaba promé ku e anochi aki tabatin konfrotashon entre dos gruponan. Esaki a sosodé riba Facebook kamind tabata papia di tiramentu. Dos dia promé tabatin un insidente di tiramnetu na Pizeria Adonai.
Djabièrnè atardi e abogadonan a trese nan defensa dilanti. Abogado Inderson a tuma dos ora pa purba konvensé hues pa duna su kliente Francees apsolushon.
Mas después abogadonan Domingo i Wesseluis a tene nan defensa respektivamente na favor di Sances di i Olbina.
Den e edishon di djaluna, e korant aki lo amplia riba e kaso aki.
Bron: Èxtra Boneiru 6 yüni 2015