Kaso Makaha ta sigui dia 5 di yüni
KRALENDIJK --- Tratamentu di e kaso Makaha ta kontinuá dia 5 di yüni awor. Hues mr. Constantijn Van Dam van Isselt a tuma e desishon aki riba petishon di fiskal Antoinette Doedens, kende a premirá ku e lo no por terminá ku su rekisitorio di e kaso aki den e masoménos un ora i mei disponibel.
Hues a bisa for di ora ku a kuminsá trata e kaso ku e lo bai te mitar di seis di tratamentu di e kaso. Na momentu ku fikal Doedens mester a bai tene su rekisitorio ya tabata diez pasá di kuater di atardi.
E tres abogadonan tambe a bai di akuerdo ku e proposishon di fiskal Doedens. Abogadonan Marga Domingo di Mozart Sances i Saran Inderson di Kurlsey Francees tambe a bisa ku e tin un defensa di 40 página. Abogado Wesselius sí avisa ku e lo no tin mester di masha tempu pa trese su defensa na fabor Sidnich Olbina, alias Payo.
E kaso ta siguí dia 5 di yüni pa 10’or di mainta.
Bron: Èxtra Boneiru 6 mei 2015