Kursley Francees: “Nos a bai kas di Aron pa kita arma for di Roddy”
KRALENDIJK – “Nos a bai kas di Aron Paula pa kita un arma di kandela ku Mozart tabata sa ku Roddy tabatin den su poder. “Esaki akusado Kursley Francees a trese dilanti den korte ayera tardi durante tratamentu di e kaso Makaha, k uta enserá asesinato di e hóben di 18 aña Aron Paula dia 4 di november aña pasá.
Kursley Francees ta e akusado konsiderá principal den e kaso di asesinato di Aron Paula. El a bisa, ora ku a kuminsá ku tratamentu di e kaso, ku e ke tende di otronan Kiko nan ta bisa di dje i Kiko el a hasi. Hues Constantijn van Dam van Isselt sin embargo pa ébis Kiko e ta pensa di e akusashonnan.
“Ta asina ku ora ku nos (huntu ku Mozart) a yega na e kas den bario Mamparia kutu, na unda Aron Paula ta biba, nan a kana rònt di e kas. Ora ku nos a yega na e bentanadi saa nos a ripará ku e tabata habrí. Nos a drenta via e ventana aki. Mozart a saka un arma di kandela promé ku nos a drenta. Mi a kit’é for di dje pa evitáku ta bini tiramnetu. Mi a drentai a trapa riba un hende ku tabata drumí abou. E persona aki a grita ‘ai’. Diripiente un persona a grita ‘Roddytira nan’. Ami a bai den direkshon di e porta di skùif pa Sali for di e kas. Na e momento ei algún persona a ataká mi djatras i mi a defendé mi mes”, e akusado Kursley Francees a trese dilanti.
Kon ku bai bin, según Kurlse, el a logra Sali for di e kas. E porta di skùif di e kas a kai. Den kurá nan a atak’é i el a kai. Un hende a kuminsá dal’é ku skòp. E mesun bos ku anteriormente a bisa ‘Roddy tira nan’ a bisa awor ‘tir’é.Kursley a bisa di a tira den lariapa spanta esnan ku a agredié. El a kore bai bula e kurá, pa defendé su mes. Na e momento ei el a tende un tiru i a drai wak i wak i mira ku Rocerick Boekhoudt tabatin algu paresig na un arma di kandela den su man.
Riba pregunta di hues Kiko el a bai hasi na e kas en kestion, e akusado Kurlsey a bisa ku Mozart a pidié pa bai huntu kuné pa kita un arma di kandela for di Roderick Boekhoudt. E arma aki tabata embolbí den un tiramentu banda di Adonai Pizza. Tambe tabatin un menasa na KFC ku e arma aki.
“Roddy tabata un menasa pa mi. Dos dia promé el a tira kaba riba mi. Esaki tabata dia 2 di novèmber. P’esei tambe mi a bai di akuerdo ku e proposishon di Mozart pa bai kas di Aron Paula, kaminda nos tabata sa ku roddy tambe tabata kedando e anochi ei”, akusado Kursley a bisa den korteayera tardi.
Bron: Extra Bonaire 6 mei 2015