Wes a laga Norven Francisca den libertat pa falta di prueba
Despues ku fiskal a pidi kastigu di dos aña
WILLEMSTAD. Un kaso ku a kapta bastante atenshon ayera ta esun di e akusado Norven Francisca (20), kaminda después di a skucha fiskal mr. L. Forbes Vicento, abogado mr. S. Texel i e propio akusado Fransisca, wes mr. Van Dam va Isselt no por a konkluí nada otro sino laga e akusado den libertat inmediato.
E akusashon tabata ku Norven Francisca lo a kibra drenta dia 21 di novèmber 2014den un kas na Westpunt.
Aki, según e akusashon, lo ela hòrta diferente propiedat di doño di e kas, entre otro dos erko.
Polisnan a haña fingerprint di Norven Francisca riba e glasnan di e ventana, loke a trese outoridatnan riba e indikashon ku e lo mester ta trabou Norven Francisca di a drenta e kas. E akusado Norven Francisca, sinembarg a insistí ku e no tin nada di haber ku e ladronisia.
El a bisa wes ayera ku el a bai na e sitio ku un damita únikamente pa hasi amor i ku na sierto momento enbèrdat el a pone su mannan na glas di e ventana pa mira den e kas, pero ku ningun momento so e no a drenta e kas.
Pero tambe ta asina ku Norven Francisca a duna diferente deklarashon na polis. Ela bisa promé ku e no tabata na e sitio mes, es mas, ku e no tabata den Westpunt mes riba e dia ei. Despues e mesnun Norven Francisca a rekonosé ku e tabata na e sitio, pero ku tabata pa hasi ‘lekker’ ku un dama.
Abogado mr. S.. N. Texel a hiba un defensa barbápa lanta tur sorto di duda na benefisio di kliente Francisca.
E abogado a para ariba ku no tin ningún prueba ku su kliente a drenta e kas i ku riba e glasnan di ventana tabatin fingerprintnan tambe k uta di otro persona. No tin prueba k uta Norbin Francisca a hòrta e erkonan.
Na benefisio di Francisca ta konta ku e no tabatin di haber ku hustisia den pasado, pero si ku e ta un disípulo di G.O.G., kende sikiater, sikólogo i Reclassering a studia su situashon personal debidamente.
Fiskal a pidi un kastigu di prizon di 24 luna di kua 12 luna kondishonal i un periodo di prueba di 2 aña pa Francisca.
E abogado a insistí ku e kastigu ku fiskal a pidi ta unu fuera di tur proporshon normal, pasobra mas bien segun e abogado por a duna su kliente un kastigu di 6 luna kompletamente kondishona i guía prfeshonal.
Wes finalmente a konkluí ku e pruebanan no ta konvinsente i esaki sigur ta trese duda, komo tal a disidídi laga e akusado den libertat numa.
Bron: Nobo Lokal 30 april 2015