Akusado ta hera di bai kas pa dagfar robes.
PUNDA --- Ministerio Públiko ta e aparato hudisial ku tin ku sòru pa dagfar un persona pa e presentá den korte pa su kaso wòrdu trata pa akusashon nan i sospecho nan ku lo tin den su kontra.
Esaki mester bai segun regla hudisial i ku tin un temporada mara pa hasi esaki na e sospechoso i tambe lo tin ku wak si voluntariamente e kiet presentá den sala. Hopi bia fayo nan chikí ta tuma lugá, ku por pone ku e persona por bai kas, pendiente pa su kaso bai wòrdu trata. Esaki a hera di ta e kaso ora ku e akusado Shurickson Thomasadi 20 aña presentá kontra di su boluntat ayera den sala di korte.
Tur eskai pa motibu ku ora Thomasa tabata dilanti hues i tabata repasá su personalia, i a bin resultá ku e dagfar di Thomasa tabata klompetamente robes entrega. Nan a dagfar e riba nòmber di su ruman. Shurickson ta wòrdu akusá ku dia 5 di yüni e lo mester tabata den posishon di un arma di kandela mas 7 bala skerpi. Tambe e ta wòrdu akusá pa ladronisia di varios artículo den maleta na Hato. Fiskal Koert a bisa k uta trata aki di un fout chikí mirando ku e nòmber di e rumannan aki ta kasi meskos i tur dos ta enkarselá.
Mesora su abogado defensor Simone Texel a pidi hues pa suspend’è detenshon di su kliente di kual hues a bai deliberá, i na su regreso a bisa ku mirando ku tin akusashonnan serio manera posishon di arma di kandela pueblo lo keda sorprendí si e hasi esaki.
Pa motibu ku arma di kandela ta algu hopi seri i ta un problema grandi den nos sosiedat. E kaso lo kontinuá aki 3 siman.
Bron: Vigilante 16 april 2015