Korte ta posponé kaso pa di 10 bia pa wak Kiko ta bai pasa ku akusado
Un kaso ku ta kanando for di 2013
PUNDA --- Ayera e hòmber Jamire Frans (26) un bia mas mester a presentá pa su kaso keda trata den korte di apelashon después ku esaki a keda posponé pa di 9 bia. Jamire su detenshon ta keda posponé pa motibu ku korte du apelashon mes a haña k uta di mas ku kada bes tabata posponé su kaso pa motibu ku nunca su abogado no tei.
Depuse di a risibí un kondena di 5 aña Frans ta apelá su sentensia pa motibu ku fordi e promé dia ku e la keda arestá e la para riba su inosensia. Frans ta wórdu akusá ku dia 1 di febrüari di aña 2013 e tat tira un atrako arma riba dos persona ku a sali e diskoték City To Go dal nan ku kabu di pistol i bai k unan telefon i tambe vehíkulo. Tambe e ta keda akusá ku dia 11 di mart e la intentá di kibra drenta den un kas na Oranje Straat pa ladronisia. E dia ei mes e ta keda detené i tabatin munishon den su podr. Despue di e tratamentu di su kaso di promé nsransia korte ta haña e akusashon nan prueba i ta sentensia Frans na un kas kastigu di 5 aña di prizon.
Frans a keda pone den libertat pendiente pa su tratamentu bou di algún kondishon ku e mester a kumpli kuné, di kual e la hasi esaki tambe. Dia 17 di febrüari otro abogado den persona di mr. Textel di di bufete Inderson a tuma a kaso over i a presentá ku Frans pa sigui ku e tratamentu. E dia ei tambe e kaso ta keda pasponé, pa motibu ku Frans ta para riba di kier a skucha un testigu ku e ta bisa por prueba su inosensia.E dia ei den korte a bin dilanti ku e adrés ku a duna di testigu ei no tabatin niun hende ta biba ei nan.
Despues di a duna otro adrès, hues Ter Berg a laga e miembronan di LBD na e momento ei sali bai hasi un investigashon na e kas, pa asina wak si nan por lokalisá e testigu ku Frans ta para riba pa bin testiguá den su kaso. Riba esaki tampoko nada no a bin afó pa motibu ku e polisnan a duna di konos’é ku na e adrès otro e polisnan a bin haña un kas tur kibra, sin koriente, i natural sin niun hende aden. Frans a keda para riba ku e ke pa e testigu ei presentápa por bisa ku enbèrdat si ta e akusado mes a kometé e echo aki. Mirando esaki korte ta bolbe posponé e kaso, pa asina lokalisá e testigu Alvarez pa testiguá. Despues di a lokalisá Alvarez riba, esaki ta bisa di no ke presentápa motibu di miedu. A pesar ku Frans ta para riba pa papia ku Alvarez korte a disidí pa kuminsá hasi parti di e tratamentu.
Frans a bolbe para riba riba su sentensia, i ta bisa ku na 2008 ora e la keda kondena e la atmití tur kos ku e la hasi, pero e bia aki no ta e kaso paso e no a kometé niun atrako. Su abogado mr Simone Textil a bisa ku ta unkaso for di 2013 ku te ainda no a haña klaridat. Según e abogado ta bisto ku e polis ku a atend’é e kaso aki for di un prinsipio i a bisa ku ta Frans lo ta esun ku a kometé e atrako, ku e la influensia e dos testigunan pa bisa di a rekonos’é Frans riba konfrontashon di foto.
Tambe e la bisa ta remarkabel kon e dos testigunn aki a deklará mesun kos. Según e abogado hopi tempu a pasa promé ku nan a wòrdu interogá, i esaki ta nifiká k unan lo a haña sufisiente chèns pa palabra ku otro. Taxtil a bisa korte e no ta mira pa Kiko su kliente ketu bai mester keda pèrsigui siendo ku no tin niun prueba ni huellas, ni rastro k uta e a kometé e atrako.
Korte a bisa k unan lo purba tòg pa wak si e testigu Alvarez lo ke bin deklará, ta bolbe posponé e kaso pa bai pensa Kiko ta bai pasa ku Frans. Aki 1 siman korte lo dikta fayo.
Bron: Vigilante 27 maart 2015