Gobiernu mester kambia lei seguro basiko pa penshonado
Penshonadonan a haña rason riba punto ku nan no ta sigurá den eksterior
WILLEMSTAD. – Ayera gobièrnu a haña un tel riba su dedenan pa loke ta trata e lei di seguro básikon di malesa, ora ku hues a duna penshonadonan rason riba algún punto k unan a trese dilanti. E veredikto na e momentonan k uta keda analisá ku e posibilidat hopi grandi ku lo apelá e veredikto aki.
Dia promé di febrüari 2013 e lei di seguro básiko di malesa a drenta na vigor ku ta regla vários aspekto, manera entre otro stipulashon di prima di seguro, kontribushon di kada ken i vários oro aspekto mas.
Gobièrnu a duna di konosé ku introdukshon di e lei aki ta pa mehorashon di servisio den sector di Salubridat Públiko i tambe un forma kon pa kontrolá e gastunan den e sector aki.
E penshonadonan a sinti ku e prima ku a imponé pa loke ta trata e seguro aki ta demasiado pa nan i tin ehèmpelnan tresé dilanti den korte k uta indiká ku un persona ku tabata paga Nafl. 188,70 bou di FZOG i bou di bvz ta paga Nafl. 685,70.
Banda di esei e penshonadonan tas inti k unan ta prezu aki nan Kòrsou i no por biaha e gastunan médikon si nan bira mal uta pa nan mes cuenta. Pues Gobiérnu a limitá nan di biahamentu.
Pa loke ta trata e aspekto aki hues a bisa ku e forma kon gobièrnu a atendé ku e lei aki, ta un kos ilegal i komo tal por a stipulá un máksimo ku lo kubri si algu pasa e penshonado for di Kòrsou.
E aspekto di prima, hues a bisa ku lei ei no ta diskriminatorio, pa motibu ku elei no ta trahá pa e penshonado so, pero tambe pa e no penshonadonan.
Un kos ta sigur, ku e preshon di parti di penshonadonan a pone ku a bin ku e lei di reparashon ku aki e prima ta bai baha un poko, pero e penshonadonan ke pa e baha mas tantu.
Esaki ta un di e motibunan ku e pensadónan ta evaluando e veredikto i pa wak k unan ta bai apelá i si t’asina Kiko ta e puntonan ku nan ta apelá ariba.
Di parti di abogado mr. Saran Inderson, el a duna di konosé ku e ta kontentu ku veredikto, pa motibu gana un kaso di e índole aki no ta un kos fásil, pues venta un lei abou te difícil. Pero ta studiando pasonan pa bai mas leu riba e otro pntonan.
Di e forma aki e penshonadonan den e lucha pa logra hustisia pa e penshonadonan.
Abogado mr Saran Inderson un di e abogadonan ku a hiba e lucha inkansabel pa e grupo de penshonado
ku a logra e desishon ya menshoná.
Bron: Extra 4 november 2014