Fiskal a pidi 24 luna di kua 12 kondishonal pa Enthley M. ku a dal dos siklista ku outo
Un di hóbennan viktima a pèrdè tur dis brasa
Dia 3 di febrüari di e aña aki un degrasia den tráfiko ku a kousa hopi tristesa a tuma lugá. Ayera a trata kaso kontra di e persona ku a kousa e dalmentu ku tabatin konsekuensha ku ni e víktimani e shofúr lo por lubidá nunka. Enthley M. riba e fecha ei a bai snack i a dal un par di serbes. Djei el a bai kas bai dal un baño pa e sali bai kumpra kos di kome, manera el a konta wes ayera tardi. Na kaminda su outo a kore den skual i maske kon e la trata di dominá e vehíkulo, esaki a bin dal kontra di dos siklista, un dama i un kabayero. E outo a karga e kabayero, un hóben, bai ku n'e i peg'e kantu di un muraya. E víktimanan si brasanan a keda di klém entre e outo i e muraya. E gòlpi tabatadi tal magnitut ku un di e brasanan a kita afó einan mes, mientras ku na hospital; después mester a amputá e víktima us otro brasa. Shofùr di e Toyota Tercel después a resultá di no ta disponé di reibeweis mientras e outo tampoko tabatin number ni tabatin siguro. E último delitu aki ta esun mas kruel. Te ainda ta e víktima mes mester a paga pa su kura ya ku e akusado no tin trabou i e outo no tabatin seguro. Enthley, ki ora ku wes a laga e bisa algu, tabata dirigí su atenshon na e víktima pa hur'e i segur'é ku e lo traha henter su vida pa yud'é den e situashon ku e ta den pa su motibu. Un kos ku sigur a yega na tur hende su kurason. Wes a mustra e sospecho riba e falta di responsabilidat di kore sin reibeweis i sin seguro. Awor henter su vida ta bai keda marká pa e falta di responsabilidat aki. Abogado die víktima, mr. Saran Inderson, a presentá loke e víktima a pasa aden kaba loke falta. Tambe e kostonan ku tabata envolví. Di parti di famia di e dos víktimanan, pasobra e mucha muhé riba e otro baiskel tambe a haña basta sla, e abogado a presentá petishon di daño perwisio. Den e tipo di kasonan asina, 50.000 florin pa e víktima ta máksimo. Esei tambe e pidi pa e víktima ku a pérdésu brasanan, 50 mil florin. Pa kubri gastunan di e mucha muhé a pidi 4187 florin.
Fiskal a konsiderá ku tin sufisiente prueba pa demostrá ku e sospechoso Enthley ta kulpabel i a pidi un kastigu di 24 luna p'e di kua 12 kondishonal i 3 añadi prueba. Adema spa aprobá e demanda di daño perwisio pa ámbos víktima. Korte lo dikta sentencia dia 12 di november, aki tres siman.
Bron: Ultimo Noticia 16 òktober 2014