Demada di 6 aña pa intento di asesinato ku arma di kandela
WILLEMSTAD – Fiskal ta baha ku man duru riba hòmber hamaikino ku a basha bala riba un pareha. Pa e akusashon aki fiscal a pidi un kastigu di prizon di 6 aña. Por bisa ku ta trata di un suceso ku por resultá den tragedia,pero afortnadamente esei no tabata e kaso. Fiskal durante su rekisitorio den e kaso di Kingsley Notice (28), nasé na Jamaica, a sali bisa ku e deklarashonnan di Kingsley ta engañoso i te na di tres testimonio e ta bin ku un historia kon e kos supuestamente a bai. E asuntu ku e no a deklará prome pa motibu ku e no tabata konfia polis, pa fiscal ta kos di hari. Pues fiskal no ta kere ku polis tabata hasi wega di e akusado loke ku a pone ku e no a konfia e polisnan te pa e duna un testimonio manera e kos a bai. Fiskal a trese dilanti ku e no ta kere e akusado, pa motibu ku e por a papia su doló nan na hues komisario tambe, pero e no a hasi esei.
Fiskal a trese dilanti ku e historia di Kinsley simplemente no ta kuadra. No por basha bala pa loko asina riba un lugá di stashoná outo. E ta bisa ku a tira bòter riba su persona, pero si t'asina esaki a tuma lugá, e no mester a baha for di outo ora ku e outo a para i el a baha for di e outo. Pues tabatin un momento ku nan por a bai laga e sitio sin mester tira. Un bóter di serbes tirá riba e outo, enbèrdat por hasi algu di daño, pero no pa tira riba hende ku arma di kandela. Fiskal no ta mira niun motibu pa a tira. Según e akusado, e suseso a pone ku e no tabatin otro alternativa pa e tira pa e defende su kurpa. Otro testimonio di e akusado ta bisa ku e no tabata sa ku e arma tabatin bala aden te p'e ta armá. Fiskal a bisa ku esaki ta otro deklarashon di kos di hari. Fiskal ta di opinión ku den e kaso aki intento di asesinato por keda haña probá i por papia di un puru suerte ku e viktimanan tabatin ku e bala nan no alkansá nan. Esaki a trese fiskal na 6 aña kastigu di prizon. Abogado mr. Saran Inderson ku tabatin e defensa di Kinsley na su enkargo tabatin un alegashon amplioi profundamente motivá. Un alegashon ku hues a disidí di tuma tres siman pa e pensa ariba. Durante su último palabra ku awa na wowo Kinsley a bisa ku e no tabatin niun intenshon di a hiba hiba niun diskushon te pa tira riba hende.
Tur loke ke tabata ke ta defendé su frei ku tabata na estado pa motibu ku e tabata pensa solamente riba su señora ku tana estado. Uso di arma di kandela ta malu, pero e no tabatin intenshondi mata niun hende. El a pidi un chèns i hues a stipulá dia 17 di séptémber benidero pa veredikto.
Bron: èxtra 28 ougùstùs 2014