Pa motibu di fail defisiente, proses verbal defisiente Neksen Felies i Cedric Paula a bai kas ayera Wes Mr. Lips: "het dossier ramelt aan alle kanten"
Willemstad – Ayera a trata e kaso kontra di Neksen Felies i Cedric Paula. Ministerio Públiko a presentá 6 akusashon kontra di Neksen i 3 kontra di Cedric. Abogadonan di defensa tabata mr. Smeulders pa Cedric Paula i mr. Eisden pa Neksen Felies.
Akshonnan tabata:
1. Robo di un kla Spectra di Jelly Car Rental ku a bai kompaña di menasa di violensia kontra di M. Seales dia 8 di sèptèmber 2012
2. Poseshon di un òf mas arma di kandela den e periodo di 1 di sèptèmber pa 9 novèmber 2012
3. Robo di un Hyundai Sonata
4. Destrukshon di un porta
5. Menasa di arma di kandela
6. Kiebro den un kas i robo di TV flatscreen, kabel, paña i hèrmènt.
E akusashonnan 1,2 i 6 a konta pa tur dos . 3,4 i 5 ta pa Felies so.
E kaso segun e notisia di polis
Dia 9 di novèmber 2012, polisnan ku ta forma e grupo di P-5 a baha di un forma sensashonnan den e pida hanchi ku nan ta yama Hole man na altura di Brionweg den Seri Otrobanda. E akshon polisial ku tabata bon prepará laga e tiponan ku tin den e kasita ku e sorpresa di nan bida ora ku nan tabata mas o ménos den inventario, di loke polisnan ta konsiderá di ta artíkulonan prosedente di ladronisia i atrako. Ei mes polisnan a bin konstatá ku e tiponan aki ta tin koriente ta usa ku tabata koriente hòrta. Den e kasita den Hole Man polisnan a buta man riba un tipo ku ta korespondé n'e nòmber di Neko i tambe riba otro tipo ku ta korespondé n'e nòmber di Cedric pero ku tin e apoyo di Cesar.
Ámbos ta individuonan ku polisnan tin par di dia ta buska kaba relashoná ku atrakonan i ladronisia den kas di hende ku nan ta ser sospecha di dje.
Huntu ku nan den e kasita ei ta tin un hòmber di edat ku ta korespondé n'e nòmber di Rijna, ei kende polisnan a benta bui riba dje mesora i baha bai warda na Molenplein kuné tambe. Tambe ta tin un mucha menor di edat ku kende polisnan a bai tambe.
Yen di merkansia konfiská
Mes despues a start un sakamentu di kantidat di merkansia ku pa polisnan ta prosedente di atrako i ladronisia.
Den ora nan di anochi nan a presentá ku téknikonan di Aqualectra kendenan a deskonektá e koriente riba e kas ku a resultá di ta koriente hòrta.
Ámbos sospechoso, tantu Neko kom Cedric, ta bon konosí pa polisnan i ta ser konsiderá komo kriminal. Den lat polisnan a laga e hòmber di edat yama Rijna i tambe e menor di edat den libertat ya ku parse nan no ta tin nada di haber ku nada……*
Wes mr. I. Lips: "E akusashonnan, e prosès verbal, deklarashonnan tur ta nokel"
Despues ku wes a pasa ku e sospechosonan dor di e akusashonnan fiskal mr. Van Waveren a haña e oportunidat pa e trese su demanda.
E representante di OM a splika ku di e seis akusashonnan solamente dos e por konsiderá ku prueba sufisiente. Poseshon di arma di kandela i menasa ku arma. Tumando ta di ken ta trata, e fiskal a pidi kastigu di 3 aña pa Neko i 7 aña pa Cedric.
Wes a Tuma mas o ménos 10 minüt pa e bin ku e veredikto. Ora ku e la bin bek, un pa un e la splika dikon no por tuma e akusashonnan na konsiderashon pa duna un kastigu hustu. Segun e magistrado tur kos ta brua den kaso aki. I finalmente e la dikta ku ámbos sospechoso por a bai nan kas ayera tardi mes.
Pero nan tin di keda pendiente ya ku OM tin 2 siman pa apelá e desishon aki.
Bron: Korte 2 febrüari 2013